ರಾಮನಗರ : ಗ್ರಾಮೀಣ ನಾಗರೀಕರ ಆರೋಗ್ಯ ಗ್ರಾಮದ ನೈರ್ಮಲ್ಯವನ್ನು ಅವಲಂಬಿಸಿದೆ ಎಂದು ಆರೋಗ್ಯ ಇಲಾಖೆಯ ದೊಡ್ಡ ಆಲಹಳ್ಳಿ ಪುಟ್ಟಸ್ವಾಮಿಗೌಡ ಅಭಿಪ್ರಾಯಪಟ್ಟರು. 
    ತಾಲ್ಲೂಕಿನ ಕೈಲಾಂಚ ಹೋಬಳಿ, ಬನ್ನಿಕುಪ್ಪೆ ಗ್ರಾಮದ ಕೆಂಗಲ್ ಆಂಜನೇಯ ಸ್ವಾಮಿ ಗ್ರಾಮಾಂತರ ವಿದ್ಯಾ ಸಂಸ್ಥೆ ಆವರಣದಲ್ಲಿ ಶಾಂತಿನಿಕೇತನ ಕಾಲೇಜ್ ಆಫ್ ಸೈನ್ಸ್ ಅಂಡ್ ಮ್ಯಾನೇಜ್‍ಮೆಂಟ್ ಸ್ಟಡೀಸ್ ವಿಭಾಗದ ರಾಷ್ಟ್ರೀಯ ಸೇವಾ ಯೋಜನೆ ವಿಶೇಷ ಶಿಬಿರದಲ್ಲಿ ಆರೋಗ್ಯವನ್ನು ಕಾಪಾಡಿಕೊಳ್ಳುವಲ್ಲಿ ಪೌಷ್ಠಿಕತೆ ಮತ್ತು ನೈರ್ಮಲ್ಯದ ಪಾತ್ರ ಕುರಿತು ಉಪನ್ಯಾಸ ಮಾಡಿದ ಅವರು ನಿರ್ಮಲ ಗ್ರಾಮ ಮಹಾತ್ಮ ಗಾಂಧಿಜೀ ಕಂಡ ಕನಸು ಅಂತಹ ಒಬ್ಬ ಮಹಾನ್ ವ್ಯಕ್ತಿ ಕಂಡ ಕನಸನ್ನು ಏಳು ದಶಕಗಳು ಕಳೆದರೂ ಸಾಕಾರ ಗೊಳಿಸದಿರುವುದಕ್ಕೆ ಬೇಸರ ವ್ಯಕ್ತಪಡಿಸಿದ ಅವರು ಗ್ರಾಮ ನೈರ್ಮಲ್ಯ ಬರೇ ಜನಪ್ರತಿನಿಧಿಗಳ, ಅಧಿಕಾರಿಗಳ ಕೆಲಸ ಎಂಬ ಭಾವನೆ ಸಾಮಾನ್ಯ ನಾಗರೀಕರ ಮೆದುಳಿನಿಂದ ಹೂರ ಹೋಗಿ ಗ್ರಾಮದ ಸ್ವಚ್ಛತೆ ಎಲ್ಲ ನಾಗರೀಕರ ಕರ್ತವ್ಯ ಎಂಬ ಭಾವನೆ ಪ್ರತಿಯೊಬ್ಬ ನಾಗರೀಕರ ಮನದಲ್ಲಿ ಮೂಡಿದಾಗ ಮಾತ್ರ ಇಂತಹ ಸರ್ಕಾರದ ಜನಪರ ಯೋಜನೆಗಳು ಅನುಷ್ಠಾನಗೊಳ್ಳಲಿವೆ ಎಂದ ಅವರು ನಾಗರೀಕರು ಹಾಗೂ ಯುವ ಸಮುದಾಯ ಪ್ರಾಶ್ಚಿಮಾತ್ಯ ಆಹಾರ ಪದ್ಧತಿಯಿಂದ ದೂರವಿದ್ದು ಪಾರಂಪರಿಕ ಆಹಾರ ಪದ್ದತಿಗಳನ್ನು ಅಳವಡಿಸಿಕೊಳ್ಳುವ ನಿಟ್ಟಿನಲ್ಲಿ ಪ್ರತಿ ನಿತ್ಯ ಹೆಚ್ಚು ಹೆಚ್ಚು ಹಸಿರು ಸೋಪ್ಪು ತರಕಾರಿಗಳ್ಳುಳ್ಳ ಸಮತೋಲನ ಆಹಾರ ಸೇವನೆಯಿಂದ ದೇಹದಲ್ಲಿನ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಬಹುದಾಗಿದೆ ಎಂದರು. 
    ಗ್ರಾಮೀಣ ಭಾಗದಲ್ಲಿ ಶೌಚಾಲಯಗಳನ್ನು ಕಟ್ಟಿಸುವುದು ಮುಖ್ಯವಲ್ಲ ಅವುಗಳನ್ನು ನಿತ್ಯ ಬಳಸುವ ಅಭ್ಯಾಸವನ್ನು ರೂಢಿಸಿಕೊಳ್ಳುವ ಮೂಲಕ ಬಯಲು ಮಲವಿರ್ಸಜನೆಯಿಂದ ದೂರವಿದ್ದು ನಿರ್ಮಲ ಗ್ರಾಮಗಳನ್ನು ನಿರ್ಮಾಣ ಮಾಡುವುದು ಗ್ರಾಮೀಣ ಜನರ ಗುರುತರ ಜವಾಬ್ದಾರಿಯಾಗಿದೆ ಇದರಿಂದ ನಾಗರೀಕರು ಜಂತುಹುಳು, ಚರ್ಮರೋಗ, ಕಾಲರ, ಕಾಮಾಲೆ, ವಿಷಮಶೀತ ಜ್ವರ ಇನ್ನು ಮುಂತಾದ ಸಾಂಕ್ರಾಮಿಕ ರೋಗಗಳನ್ನು ತಡೆಗಟ್ಟುವ ಮೂಲಕ ಗಳಿಸಿದ ಹಣವನ್ನು ಉಳಿಸಿಕೊಳ್ಳುವ ಮೂಲಕ  ಆರ್ಥಿಕವಾಗಿ ಸಬಲರಾಗಬಹುದಾಗಿದೆ ಎಂದು ತಿಳಿಸಿದರು. 
    ಅಧ್ಯಕ್ಷತೆ ವಹಿಸಿ ಮಾತನಾಡಿದ ಪ್ರಾಧ್ಯಾಪಕ ಸಂತೋಪ್‍ಕುಮಾರ್ ನಾಗರೀಕರು ತಮ್ಮ ಮನೆಗಳ ಮುಂದಿನ ಚರಂಡಿಯ ಸ್ವಚ್ಛತೆ ಗ್ರಾಮಪಂಚಾಯಿತಿಯ ಕೆಲಸ ಎಂಬ ನಕರಾತ್ಮಕ ಧೋರಣೆಯಿಂದ ಹೂರ ಬಂದು ತಮ್ಮ ತಮ್ಮ ಮನೆ ಮುಂದಿನ ಚರಂಡಿಗಳನ್ನು ತಾವೇ ಶುಚಿಗೊಳಿಸಿಕೊಳ್ಳುವ ಮೂಲಕ ನಿರ್ಮಲ ಗ್ರಾಮ ಯೋಜನೆಗೆ ಸರ್ಕಾರಕ್ಕೆ ಸಹಕಾರ ನೀಡಬೇಕಿದೆ ಎಂದರು. 
    ಸಂದರ್ಭದಲ್ಲಿ ಪ್ರಾಂಶುಪಾಲರಾದ ಎಸ್. ಮಾನಸ, ಎನ್.ಎಸ್.ಎಸ್ ಶಿಬಿರ ಅಧಿಕಾರಿ ಎಂ. ಮುನಿರಾಜು, ಶಿಬಿರಾರ್ಥಿಗಳು ಗ್ರಾಮಸ್ಥರು ಹಾಜರಿದ್ದರು.